حلقة 27: محكمة! الحق في الحكم على الناس | أسلوب في رمضان osloop in ramadan | never judge

Posted on Posted in osloop in ramadan, Uncategorized

اهلا بيكم و الحلقة رقم ٢٧ …..من برنامج اسلوب في رمضان

 

حلقتنا بعنوان: محكمة

> عندنا قضية خطيرة و مصيرية…..حكمها هايغير مسار حياتنا كلها…..هايتغير بعدها الشخص اللي جوانا اللي بيحكم علي الناس سواء من افعالهم…..او من كلام الناس عنهم…أو يحكموا عليهم  من ظاهرهم.

> المتهمين هم اربع اشخاص…..امرهم ابوهم انهم يوصفوا له شجرة موجودة فى مكان بعييددد جدا…..واحد منهم سافر للمكان ده في فصل الشتاء…..و التاني فى الربيع و التالت فى فصل الصيف و الابن الاخير سافر فى الخريف.

> لما سألهم ابوهم عن وصف الشجرة …الاول اللي راح فى الشتاء قال له أن الشجرة قبيحة و غير مثمرة…

> و اللي سافر فى الربيع قال أن الشجرة فيها بداية خضار و يبدو عليها بداية ثمار….

> و اللي سافر في الصيف…وصفها انها رائعة الجمال و طرحة ورد شكله و ريحته جميلة جدا …..

> و اخر ابن سافر في فصل الخريف وصف له الشجرة ان اوراقها متساقطة و جافة و صفراء.

>

> فالكلام كان مختلف بين الاربع ابناء و اكيد واحد منهم بس اللي بيقول الصدق……

> و لكن طبعا كلهم صادقين في كلامهم …..ووصفوا الشجرة بالضبط زي ما شافوها فعلا…..

> بس الظروف المناخية اللي كانت محيطة بالشجرة هي اللي غيرت شكلها و حالتها من هيئة لهيئة تانية خالص….

> احنا كمان كبشر و بني أدمين…..بنتغير زي الشجرة دي نتيجة الظروف المحيطة بينا…..و بنجاهد نفسنا اننا نعيش بأحسن نسخة لينا فى الحياة…..و ده من خلال طبعنا السائد و الغالب علينا…….واخلاقنا و سلوكنا اللي غالبة في حياتنا..

> ازاي ندي لنفسنا الحق نحكم علي غيرنا من غير ما نفهم ظروفه ايه…..من غير ما نفهم قصته ايه….ظواهر المواقف بتكون فى احيان كتير جدا بعيدة عن حقيقتها……..كل واحد وراه حكاية لو عرفناها ممكن احنا نفسنا ما نحتملهاش…….ازاي نقدر نحكم علي الناس من غير ما  نغوص فى مشاعرهم و احساسهم.

> فلان اللي كان ملتزم و بقي فجاة اوبن مايندد و متحرر……..

> و دي فلانة اللي كانت دايما تقول لي خلي بالك من لبسك و حجابك…حصالها ايه؟؟ بصي بصي شايفة الام دي سايبة ولادها  كده و هملاهم ازاي…….

ده مديرنا في الشغل ده دايما كئيب و مكشر ….مش بيبتسم ابدا.

شفتي صاحبتي اللي كانت عمالة تتكلم عن سلفتها بطريقة مش كويسة …..دلوقتي خلاص بقوا أصحاب!!!!؟؟؟؟

أحنا مين علشان نحكم علي حد؟؟!!! احنا بني ادمين برده و ياما بيحصل مننا مواقف ظاهرها للناس غير حقيقتها……

حتي الحزن ساعات كتييررررر بنداريه عن الناس و نخبيه تحت ابتسامتنا و تمثيلنا أننا بخير.

احنا في اسلوب بنشجع الناس انها ما تستسلمش للحزن و للبكاء علي لماضي……و بنطلب من الناس انها تكون إيجابية و  ناجحة…..بس مقدرين جدا انه مش زرار تضغط عليه و فجأة تلاقي نفسك بقيت بني ادم إبجابي و طريقة تفكيرك اتغير….

بس بنبدأ رحلة التغيير و نتمرن و نمرن تفكيرنا و نقع مرة و نقوم و نقع تاني و نقوم…..لغاية ما نوصل للتغيير اللي بجد بعده حياتنا بتختلف.

غير تفكيرك عن الناس و ألتمس ليهم الاعذار….ما تنساقش وراه كلام الناس عن الناس…. انت عمرك ما هاتعرف الظروف و الضغط اللي ممكن اي شخص يتعرض له ايه….و ممكن يأثر عليه ازاي……مش كل الناس عندهم نفس القوة لمواجهة المواقف اللي بتقابلنا في الحياة.

واحب الحلقة:

-اكتب ان انهاردة اول يوم هاتغير فيه تفكيرك و تبطل تحكم علي الناس.

عيش و ركز في حياتك علي انك ازاي  تساعد و تعين الناس…..بدل ما تحكم عليهم….مد دايما ايد المساعدة ليهم.

و رمضان كريم

إعمل متابعة\سابسكرايب لقناة أسلوب على يوتيوب, علشان توصلك حلقاتنا أول لما تنزل
http://bit.ly/osloop-sub
وكمان نزل برامج أسلوب للأيفون والأندرويد… علشان توصلك جميع حلقات أسلوب بالترتيب الصحيح
نزل أسلوب على #‏موبايلك #‏الأندرويد من هنا:
http://bit.ly/osloop-android
وأسلوب #‏أيفون من هنا:
http://bit.ly/osloop-iOS-eg
وده, #‏موقع أسلوب:
http://www.osloop.com
وده أسلوب على فايسبوك:
https://www.facebook.com/osloop.life/
وده أسلوب على انستاجرام:
https://www.instagram.com/osloop.life/
وأكيد أسلوب على تويتر:
https://twitter.com/OsloopLife

 

Leave a Reply

Your email address will not be published. Required fields are marked *